• Home
  • News
  • അഡാര്‍ ലൗവിന്റെ ക്ലൈമാക്‌സ് മാറ്റി ചിത്രീകരിച്ചു
oru addar love film

അഡാര്‍ ലൗവിന്റെ ക്ലൈമാക്‌സ് മാറ്റി ചിത്രീകരിച്ചു

തിയേറ്ററില്‍ മോശം അഭിപ്രായം നേടിക്കൊണ്ട് തുടരുന്ന അഡാര്‍ ലൗവിനെ അഡാറാക്കാനുറച്ച് അണിയറ പ്രവര്‍ത്തകര്‍. ചിത്രം തിയേറ്ററില്‍ എത്തിയതുമുതല്‍ നെഗറ്റീവ് റിവ്യു ആയിരുന്നു ലഭിച്ചുകൊണ്ടിരുന്നത്. അതിനാല്‍ കളക്ഷനില്‍ ഇടിവ് നേരിട്ടു. ഇതോടെ ക്ലൈമാക്‌സിനെ സംബന്ധിച്ച് ഒരു കടുത്ത തീരുമാനമെടുക്കാന്‍ അണിയറ പ്രവര്‍ത്തകര്‍ നിര്‍ബന്ധിതരായി. ക്ലൈമാക്‌സ് മാറ്റി ചിത്രീകരിക്കാന്‍ നേരത്തെ തന്നെ പദ്ധതിയിട്ട അണിയറ പ്രവര്‍ത്തകര്‍ ഞായറാഴ്ച്ച ഒറ്റ ദിവസംകൊണ്ട് ഷൂട്ടിംഗ് പൂര്‍ത്തിയാക്കി. ഇതോടെ സിനിമ കൂടുതല്‍ മികച്ചതാകുമെന്നാണ് കരുതുന്നത്. പ്രിയ വാര്യര്‍ക്കെതിരെയും റോഷനെതിരെയും വിമര്‍ശനങ്ങള്‍ ഉയര്‍ന്നുവെങ്കിലും ക്ലൈമാക്‌സ് മാറ്റി ചിത്രീകരിക്കുന്നതോടെ ചിത്രത്തിന് പുതിയ രൂപവും ഭാവവും കൈവരും.