• Home
  • News
  • പ്രളയത്തിന്റെ കഥ പറഞ്ഞ് രൗദ്രം 2018
raudram 2018

പ്രളയത്തിന്റെ കഥ പറഞ്ഞ് രൗദ്രം 2018

കൊച്ചി: കേരളം അതിജീവിച്ച മഹാപ്രളയത്തിന്റെ കഥ പറഞ്ഞ് ജയരാജ് രചനയും സംവിധാനവും നിര്‍വഹിച്ച രൗദ്രം 2018. പോസ്റ്റര്‍ യുവനടന്‍ ടൊവിനോ തോമസ് തന്റെ ഫേസ്ബുക്ക് പേജിലൂടെ പുറത്തു വിട്ടു. പ്രളയത്തെയും പ്രകൃതിയുടെ രൗദ്രതയെയും പ്രമേയമാക്കിയ ചിത്രത്തില്‍ വൃദ്ധദമ്പതികളുടെ വേഷത്തിലെത്തുന്ന രഞ്ജി പണിക്കര്‍, കെപിഎസി ലീല എന്നിവരാണ് പ്രധാന കഥാപാത്രങ്ങള്‍. പ്രളയകാലത്ത് മധ്യതിരുവിതാംകൂറില്‍ നടന്ന യഥാര്‍ഥ സംഭവങ്ങളെ അടിസ്ഥാനമാക്കിയാണ് ചിത്രത്തിന്റെ തിരക്കഥ. പ്രകൃതിയുടെ സംഹാര രൗദ്രതാളത്തിനുമുന്നില്‍ നിസഹായരാകുന്ന മനുഷ്യരുടെ കഥയാണ് രൗദ്രം 2018 പറയുന്നതെന്ന് പോസ്റ്റര്‍ പങ്കുവച്ചുകൊണ്ട് ടോവിനോ എഴുതുന്നു. പ്രളയത്തിന്റെ ദുരിതാശ്വാസ, രക്ഷാപ്രവര്‍ത്തനങ്ങളില്‍ നേരിട്ടു പങ്കെടുത്ത ഒരാളെന്ന് നിലയില്‍, യാതനകള്‍ക്കിടയിലും മലയാളി സമൂഹം കാഴ്ച്ചവച്ച ധൈര്യത്തെയും ശക്തിയേയും കൂട്ടായ്മയേയും ഈ അവസരത്തില്‍ താന്‍ അഭിനന്ദിക്കുകയാണെന്നും ടോവിനോ കൂട്ടിച്ചേര്‍ക്കുന്നു.