• Home
  • News
  • മുകേഷിന് ശക്തിമാനാകാം
sakthiman omarlulu

മുകേഷിന് ശക്തിമാനാകാം

ഒമര്‍ ലുലു സംവിധാനത്തിൽ ഒരുങ്ങുന്ന പുതിയ ചിത്രം 'ധമാക്ക'യില്‍ 'ശക്തിമാന്‍' വേഷപ്പകര്‍ച്ചയിലുള്ള നടന്‍ മുകേഷിന്റെ ചിത്രം നേരത്തേ സോഷ്യല്‍ മീഡിയയില്‍ വൈറല്‍ ആയിരുന്നു. എന്നാല്‍ ഇതിനു പിന്നാലെ മുന്‍പ് ദൂരദര്‍ശനിലെ ഹിറ്റ് പരമ്പരയായിരുന്ന 'ശക്തിമാനി'ലെ ടൈറ്റില്‍ കഥാപാത്രത്തെ അവതരിപ്പിച്ച മുകേഷ് ഖന്ന രംഗത്തെത്തിയിരുന്നു. ഫെഫ്ക യൂണിയന്‍ പ്രസിഡന്റ് രഞ്ജി പണിക്കര്‍ക്കായിരുന്നു മുകേഷ് ഖന്ന പരാതി അയച്ചത്. 'ശക്തിമാന്‍' സീരിയലിന്റെ പ്രധാന നടനും നിര്‍മ്മാതാവുമായ തനിക്കാണ് ആ വേഷത്തിന്റെ കോപ്പിറൈറ്റ് എന്നും അനുവാദമില്ലാതെയാണ് ആ കഥാപാത്രത്തെ സിനിമയില്‍ ഉപയോഗിച്ചിരിക്കുന്നതെന്നുമായിരുന്നു പരാതിയില്‍. എന്നാല്‍ ശക്തിമാന്‍ ഗെറ്റപ്പില്‍ മുകേഷിന്റേത് മുഴുനീള വേഷമല്ലെന്ന് ഒമര്‍ ലുലു നേരത്തേ പറഞ്ഞിരുന്നു. ഇപ്പോഴിതാ മുകേഷ് ഖന്നയുമായി നടത്തിയ ചര്‍ച്ചയില്‍ അദ്ദേഹം എതിര്‍പ്പ് പിന്‍വലിച്ചതായും ഒമര്‍ ലുലു അറിയിക്കുന്നു.