• Home
  • News
  • കോവിഡ് വാക്‌സീൻ രണ്ടാമത്തെ ഡോസ് നല്‍കി തുടങ്ങി

കോവിഡ് വാക്‌സീൻ രണ്ടാമത്തെ ഡോസ് നല്‍കി തുടങ്ങി

ദോഹ∙കോവിഡ് വാക്‌സീൻ ആദ്യ ഡോസ് എടുത്തവർക്ക് രണ്ടാമത്തെ ഡോസ് നൽകിത്തുടങ്ങി.ഫൈസർ-ബയോടെക്കിന്റെ വാക്‌സീൻ രണ്ട് ഡോസ് ആണ് നൽകുന്നത്. ആദ്യ ഡോസ് എടുത്ത് 21 ദിവസത്തിന് ശേഷമാണ് രണ്ടാമത്തെ ഡോസ് നൽകുന്നത്. ഡിസംബർ 23 മുതലാണ് വാക്‌സിനേഷൻ ആരംഭിച്ചത്.  70 വയസ്സിന് മുകളിലുള്ളവർ, വിട്ടുമാറാത്ത ഗുരുതര രോഗമുള്ളവർ, മുൻനിര ആരോഗ്യ പ്രവർത്തകർ എന്നിവർക്കാണ് ഈ മാസം 31 വരെ നീളുന്ന ആദ്യ ഘട്ടത്തിൽ നൽകുന്നത്. ക്യാംപെയ്ൻ തുടങ്ങി ഒരാഴ്ച പിന്നിട്ടപ്പോൾ പ്രായപരിധി എഴുപതിൽ നിന്ന് 65 ആക്കി കുറച്ചിരുന്നു. രണ്ടാഴ്ച കൂടുമ്പോൾ മുൻഗണനാ പട്ടിക പുതുക്കും.വാക്‌സീൻ സ്വീകരിച്ച ആദ്യ സ്വദേശി പൗരനായ ഖത്തർ സർവകലാശാല മുൻ പ്രസിഡന്റ് ഡോ.അബ്ദുല്ല അൽ ഖുബെയ്‌സിയും പ്രവാസികളിൽ ആദ്യ ഡോസ് സ്വീകരിച്ച സിറിയൻ സ്വദേശി മുഹമ്മദ് ഫ്രസാത്തും രണ്ടാമത്തെ ഡോസും  സ്വീകരിച്ചു. 
ആദ്യ ഡോസ് എടുത്തവരിൽ അമീർ ഷെയ്ഖ് തമീം ബിൻ ഹമദ് അൽതാനി, ഒളിംപിക് കമ്മിറ്റി പ്രസിഡന്റ് ഷെയ്ഖ് ജൊആൻ, പൊതുജനാരോഗ്യ മന്ത്രാലയം അധികൃതർ എന്നിവരുമുണ്ട്.
10 ഹെൽത്ത് സെന്ററുകളിലാണു വാക്‌സിനേഷൻ പുരോഗമിക്കുന്നത്. മുൻഗണനാ പട്ടികയിലുള്ളവരെ അധികൃതർ വിവരം അറിയിക്കും. അറിയിപ്പ് എത്തിയിട്ടില്ലാത്തവർക്ക് 4027 7077 എന്ന നമ്പറിൽ വിളിച്ചു ബുക്ക് ചെയ്യാം. ഘട്ടം ഘട്ടമായുള്ള ക്യാംപെയ്‌നിലൂടെ 16 വയസ്സിനു മുകളിലുള്ള, അലർജിയില്ലാത്തവർക്ക്  വാക്‌സീൻ നൽകും. അടുത്ത ആഴ്ചകളിലായി മോഡേണയുടെ വാക്‌സീനും എത്തുമെന്നാണു പ്രതീക്ഷ.

ടോപ് ഗൾഫ്‌ന്യൂസ് വാർത്തകൾ വാട്സാപ്പിൽ ലഭിക്കുവാൻ ഇവിടെ ക്ലിക്ക് ചെയ്‌തു സന്ദേശം അയക്കുക , ഫേസ്ബുക്കിൽ ലഭിക്കുവാൻ ഇ ലിങ്ക് ക്ലിക്ക് ചെയ്യുക.

Related News

Recent Updates

OMAN LATEST NEWS

View All

UAE LATEST NEWS

View All

KUWAIT LATEST NEWS

View All

QATAR LATEST NEWS

View All

SAUDI ARABIA LATEST NEWS

View All

BAHRAIN LATEST NEWS

View All