• Home
  • News
  • സൗദിയിൽ 250 നിര്‍മ്മാണ തൊഴിലാളികൾക്ക് മൂന്നുമാസത്തിലധികമായി ശമ്പളമില്ല

സൗദിയിൽ 250 നിര്‍മ്മാണ തൊഴിലാളികൾക്ക് മൂന്നുമാസത്തിലധികമായി ശമ്പളമില്ല

സൗദി അറേബ്യയിലെ മക്ക ആസ്ഥാനമായുള്ള നിര്‍മ്മാണ കമ്പനിയിലെ നൂറുകണക്കിന് തൊഴിലാളികള്‍ക്ക് മൂന്ന് മാസത്തിലധികമായി ശമ്പളം നല്‍കിയിട്ടില്ലെന്ന് പ്രാദേശിക മാധ്യമം റിപ്പോര്‍ട്ട് ചെയ്തു. ഏഷ്യന്‍ രാജ്യങ്ങളില്‍ നിന്നുള്ള 250 തൊഴിലാളികള്‍ക്കാണ് ശമ്പളം കിട്ടാത്തത്. തൊഴിലാളികളുടെ കുടിശ്ശിക ഒരാഴ്ചക്കുള്ളില്‍ തീര്‍പ്പാക്കണമെന്ന് കമ്പനിക്ക് സൗദി മാനവവിഭവശേഷി മന്ത്രാലയം കര്‍ശന നിര്‍ദേശം നല്‍കി.
ജോലിക്കാര്‍ക്കെല്ലാം കൃത്യ സമയത്ത് വേതനം നല്‍കണമെന്ന് മന്ത്രാലയം അറിയിച്ചു. കഴിഞ്ഞ വര്‍ഷം ഡിസംബറില്‍ വേതന സംരക്ഷണ പ്രോഗ്രാമിന്റെ അവസാന ഘട്ടം നടപ്പാക്കി. ഈ ഘട്ടത്തില്‍ ഒന്ന് മുതല്‍ നാല് ജോലിക്കാരെ നിയമിക്കുന്ന കമ്പനികള്‍ വേതനം അവരുടെ ബാങ്ക് അക്കൗണ്ടുകളിലേക്ക് നിക്ഷേപിക്കണം.
വേതന സംരക്ഷണ വ്യവസ്ഥ 2013 ആഗസ്റ്റിലാണ് ആദ്യം നടപ്പാക്കിയത്. സ്വകാര്യ മേഖലയിലെ എല്ലാ ജോലിക്കാര്‍ക്കും വേതനം നല്‍കുന്നത് നിരീക്ഷിക്കാനായിരുന്നു. വേതന തുകയെ കുറിച്ചുള്ള അപ്ഡേറ്റ് ചെയ്ത വിവരങ്ങള്‍ അടങ്ങുന്ന ഒരു ഡാറ്റാബേസ് സ്ഥാപിക്കുക, വേതനം കൃത്യമായി അടക്കുന്നതിനുള്ള കമ്പനികളുടെ പ്രതിബദ്ധത നിര്‍ണയിക്കുക എന്നിവയാണ് ഇതിലൂടെ ലക്ഷ്യമാക്കുന്നത്.

അറ്റകുറ്റപ്പണി മേഖലയില്‍ ജോലി ചെയ്യുന്ന തൊഴിലാളികളില്‍ ഭൂരിഭാഗവും തൊഴിലാളികളില്‍ സാമ്പത്തിക കുടിശ്ശിക കഴിഞ്ഞ മൂന്ന് മാസമായി നല്‍കിയിട്ടില്ലെന്നും അവരുടെ സാമ്പത്തിക സ്ഥിതി അനുദിനം വഷളായിക്കൊണ്ടിരിക്കുകയാണെന്നും പരാതിപ്പെട്ടു. സൗദിയിലെ മറ്റ് സാമ്പത്തിക ബാധ്യതകള്‍ക്ക് പുറമെ പല തൊഴിലാളികള്‍ക്കും അവരുടെ കുടുംബങ്ങളെ നാട്ടിലേക്ക് തിരികെ കൊണ്ടുപോകേണ്ടതിനാല്‍ ബാധ്യതള്‍ വര്‍ദ്ധിച്ചതായി തൊഴിലാളികള്‍ പറയുന്നു.

ടോപ് ഗൾഫ്‌ന്യൂസ് വാർത്തകൾ വാട്സാപ്പിൽ ലഭിക്കുവാൻ ഇവിടെ ക്ലിക്ക് ചെയ്‌തു സന്ദേശം അയക്കുക , ഫേസ്ബുക്കിൽ ലഭിക്കുവാൻ ഇ ലിങ്ക് ക്ലിക്ക് ചെയ്യുക.

Related News

Recent Updates

OMAN LATEST NEWS

View All

UAE LATEST NEWS

View All

KUWAIT LATEST NEWS

View All

QATAR LATEST NEWS

View All

BAHRAIN LATEST NEWS

View All