• Home
  • News
  • ഖത്തർ വഴി ഒമാനിലെത്താൻ വഴി തേടി പ്രവാസികൾ നിരവധി പേർ ഖത്തറിലെത്തി

ഖത്തർ വഴി ഒമാനിലെത്താൻ വഴി തേടി പ്രവാസികൾ നിരവധി പേർ ഖത്തറിലെത്തി

മസ്​കത്ത്​: ഖത്തറിലേക്കുള്ള യാത്രാമാർഗം തുറന്നതോടെ അതുവഴി ഒമാനിലെത്താൻ എത്തിയിരിക്കുന്നത്​ നിരവധി മലയാളികൾ. 14 ദിവസം ഖത്തറിൽ തങ്ങിയവരുടെ ആദ്യ ബാച്ച്​ മറ്റ്​ തടസങ്ങളില്ലെങ്കിൽ അടുത്തയാഴ്​ച ഒമാനിൽ എത്തുമെന്ന്​ കരുതുന്നു. ഓൺ​ അറൈവൽ വിസ പുനഃസ്​ഥാപിച്ചതോടെയാണ്​ ഒമാൻകാർക്ക്​ ഖത്തർ ഇടത്താവളമായത്​. നിരവധി സൗദി, യു.എ.ഇ യാത്രക്കാരും ഖത്തറിൽ എത്തിയിട്ടുണ്ട്​.

ഖത്തറിൽ ഓൺ അറൈവൽ വിസക്കാർക്ക്​ ക്വാറൻറീൻ നിർബന്ധമില്ലായിരുന്നെങ്കിലും വെള്ളിയാഴ്ച രാത്രി നിലവിൽ വന്ന പുതിയ മാനദണ്ഡപ്രകാരം ഇന്ത്യക്കാർക്ക്​ 10 ദിവസ ക്വാറന്‍റീൻ നിർബന്ധമാക്കിയതായി റി​പ്പോർട്ടുകളുണ്ട്​. ഹോട്ടൽ താമസം ഡിസ്​കവർ ഖത്തർ പോർട്ടൽ വഴി ബുക്ക്​ ചെയ്യുകയും വേണം. 14 ദിവസം ഖത്തറിൽ തങ്ങിയശേഷമാണ്​ ഒമാനിലേക്ക്​ വരാൻ കഴിയുക​. 14 ദിവസത്തെ താമസം, ഭക്ഷണം, വിസ, ടിക്കറ്റ്​ ഉൾപ്പെടെ ലക്ഷം രൂപയിലധികം ചെലവ്​ വരും.

ഇന്ത്യയിൽനിന്നുള്ള വിമാനങ്ങൾക്ക്​ കഴിഞ്ഞ ഏപ്രിൽ അവസാനം മുതലാണ്​ ഒമാൻ വിലക്ക്​ ഏർപ്പെടുത്തിയത്​. വിലക്ക്​ നീണ്ടതോടെ അർമേനിയ, ഉസ്​ബെക്കിസ്​ഥാൻ തുടങ്ങിയ രാജ്യങ്ങൾ വഴി കുറച്ച്​ പേർ ഒമാനിൽ തിരികെയെത്തിയിരുന്നു. കൂടുതൽ പേരും ആഗസ്റ്റ്​ ആദ്യത്തോടെ യാത്രാ വിലക്ക്​ നീക്കുമെന്ന പ്രതീക്ഷയിലാണ്​ നാട്ടിൽ തുടരുന്നത്​. യാത്രാ വിലക്ക്​ നീക്കാത്ത പക്ഷം എളുപ്പ വഴിയെന്ന നിലയിൽ ഖത്തർ വഴി ഒമാനിലേക്ക്​ കൂടുതൽ പ്രവാസികൾ എത്തുമെന്നാണ്​ കരുതുന്നത്​. നിരവധി ട്രാവൽ ഏജൻസികൾ ഖത്തർ വഴിയുള്ള പാക്കേജുകൾ അവതരിപ്പിച്ചിട്ടുണ്ട്​.

ഓൺ അറൈവൽ വിസക്ക്​ വാക്​സിനേഷൻ നിർബന്ധമാണ്​. ഖത്തറിലെ ഇഹ്​തെറാസ്​ മൊബൈൽ ആപ്പിൽ രജിസ്​റ്റർ ചെയ്യണം. അതേസമയം, 18 വയസ്സിൽ താഴെയുള്ള കുട്ടികൾക്കും വാക്​സിൻ എടുക്കാത്തവർക്കും ഖത്തറിലേക്ക്​ ​പ്രവേശന അനുമതിയില്ല. ഇത്​ പ്രവാസികളെ വലക്കുന്നുണ്ട്​. രണ്ടു​ ഡോസ്​ വാക്​സിൻ സ്വീകരിച്ചാലും 14 ദിവസം കഴിഞ്ഞ്​ മാത്രമേ യാ​ത്രക്ക്​ അനുമതി ലഭിക്കൂ.

അക്കൗണ്ടിൽ ആവശ്യത്തിന്​ പണമില്ലാത്തതിനാൽ ദോഹയിലിറങ്ങിയ 17 മലയാളികളെ നാട്ടിലേക്ക്​ തിരിച്ചയച്ചതും ആശങ്കക്കിടയാക്കി. 5000 ഖത്തർ റിയാൽ (529 ഒമാനി റിയാൽ) കൈവശമോ തത്തുല്യമായ തുക ബാങ്ക്​ അക്കൗണ്ടിലോ കരുതണമെന്നാണ്​ നിബന്ധന. ഇത്​ പാലിക്കാത്ത കോഴിക്കോട്ടുനിന്നെത്തിയ യാത്രക്കാരെയാണ്​ 10​ മണിക്കൂറോളം തടഞ്ഞുവെച്ചശേഷം നാട്ടിലേക്ക്​ മടക്കിയയച്ചത്​.

 

ടോപ് ഗൾഫ്‌ന്യൂസ് വാർത്തകൾ വാട്സാപ്പിൽ ലഭിക്കുവാൻ ഇവിടെ ക്ലിക്ക് ചെയ്‌തു സന്ദേശം അയക്കുക , ഫേസ്ബുക്കിൽ ലഭിക്കുവാൻ ഇ ലിങ്ക് ക്ലിക്ക് ചെയ്യുക.

Related News

Recent Updates

OMAN LATEST NEWS

View All

UAE LATEST NEWS

View All

KUWAIT LATEST NEWS

View All

QATAR LATEST NEWS

View All

SAUDI ARABIA LATEST NEWS

View All

BAHRAIN LATEST NEWS

View All