ഒമാനിൽ ബലിപെരുന്നാളിനോടനുബനധിച്ച്​ അവധി പ്രഖ്യാപിച്ചു

മസ്കത്ത്​: ബലിപെരുന്നാളിനോടനുബനധിച്ച്​ ഒമാനിൽ അഞ്ച്​ ദിവസത്തെ അവധി പ്രഖ്യാപിച്ചു. ജൂലൈ എട്ട്​ വെള്ളി മുതൽ 12 ചൊവ്വാഴ്ച വരെയാണ്​ അവധി നൽകിയിരിക്കുന്നത്​. മാസപ്പിറവി ദൃശ്യമായതിന്‍റെ അടിസ്ഥാനത്തിൽ ഒമാൻ അടക്കമുള്ള ഗൾഫ്​ രാജ്യങ്ങളിൽ ജൂലൈ ഒമ്പതിനാണ്​ ബലിപെരുന്നാളെന്ന്​ കഴിഞ്ഞ ദിവസം അധികൃതർ വ്യക്​തമാക്കിയിരുന്നു. കോവിഡ്​ നിയന്ത്രണങ്ങൾ പൂർണമായി ഒഴിവാക്കിയ സഹചര്യത്തിലാണ്​ പെരുന്നാൾ ആഗതമാകുന്നത്​. അതുകൊണ്ടു​തന്നെ കൂടുതൽ പൊലിമയോടെ വരവേൽക്കാനുള്ള ഒരുക്കത്തിലാണ്​ വിശ്വാസി സമൂഹം.