കുവൈത്തില്‍ അടുത്ത ആഴ്ച ശക്തമായ മഴയ്ക്ക് സാധ്യത ;പൊതുജനങ്ങള്‍ക്ക് ജാഗ്രത നിര്‍ദേശം

കുവൈത്ത് സിറ്റി : കുവൈത്തിൽ അടുത്ത ചൊവ്വാഴ്ച മുതൽ ശക്തമായ rain sounds മഴ പെയ്യുമെന്ന് കാലാവസ്ഥ നിരീക്ഷണ കേന്ദ്രം മുന്നറിയിപ്പ് നല്‍കി. ചൊവ്വാഴ്ച ആരംഭിക്കുന്ന മഴ ബുധൻ, വ്യാഴം എന്നീ ദിവസങ്ങളിലും തുടരും. കാലവസ്ഥ നിരീക്ഷകൻ ഈസ അൽ റമദാൻ ആണ് ഇക്കാര്യം അറിയിച്ചത്. ഈ ദിവസങ്ങളിൽ രാജ്യത്ത് 22 മില്ലിമീറ്റർ വരെ മഴ ലഭിക്കുമെന്നും അദ്ദേഹം പറഞ്ഞു.ഞായറാഴ്ച മുതൽ നേരിയ തോതിലുള്ള മഴക്ക് സാധ്യതയുള്ളതായും അദ്ദേഹം വ്യക്തമാക്കി. അതിനാല്‍ പൊതുജനങ്ങള്‍ ജാഗ്രത പാലിക്കണമെന്നും നിര്‍ദേശമുണ്ട്.