കുവൈത്തിൽ ഫാർമസികൾക്ക് പുതിയ നിയമം, ഇക്കാര്യം ശ്രദ്ധിക്കണം

കുവൈത്തിൽ ലൈസൻസിന് അപേക്ഷിക്കുന്ന ഫാർമസിയും അതിന്റെ സമീപത്തെ ഏതെങ്കിലും ഫാർമസിയും pharm d തമ്മിലുള്ള അകലം എല്ലാ ദിശകളിലും 200 മീറ്ററിൽ കുറയാതെയായിരിക്കണമെന്ന് വ്യവസ്ഥ ചെയ്തുകൊണ്ട് ആരോഗ്യമന്ത്രി അഹ്മദ് അൽ-അവധി മന്ത്രിതല തീരുമാനം പുറപ്പെടുവിച്ചു. മന്ത്രാലയത്തിന്റെ മരുന്ന് നിയന്ത്രണ സംവിധാനം ദൂരം കണക്കാക്കുകയും ആവശ്യമായ നിയന്ത്രണങ്ങൾ സ്ഥാപിക്കുകയും ചെയ്യും. കോ-ഓപ്പറേറ്റീവ് സൊസൈറ്റികൾ, കമ്മ്യൂണിറ്റി ഹോസ്പിറ്റലുകൾ, കമ്മ്യൂണിറ്റി മെഡിക്കൽ സെന്ററുകൾ, ഷോപ്പിംഗ് സെന്ററുകൾ, മാർക്കറ്റുകൾ എന്നിവയിൽ സ്ഥിതി ചെയ്യുന്ന ഫാർമസികളെ ഈ തീരുമാനത്തിൽ നിന്ന് ഒഴിവാക്കിയിട്ടുണ്ട്.