അൽ കൽബ ഹോസ്പിറ്റലിന് മോശം റേറ്റിംഗ് : ഡയറക്ടറെ മാറ്റാൻ ഉത്തരവിട്ട് ഷെയ്ഖ് മുഹമ്മദ്

അൽ കൽബ ഹോസ്പിറ്റൽ കേന്ദ്രം ഏറ്റവും മോശം റേറ്റിംഗുള്ള സർക്കാർ സേവനങ്ങളിലൊന്നാണെന്ന് കണ്ടെത്തിയതിനെത്തുടർന്ന് യുഎഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഹിസ് ഹൈനസ് ഷെയ്ഖ് മുഹമ്മദ് ബിൻ റാഷിദ് അൽ മക്തൂം ഹോസ്പിറ്റലിന്റെ ഡയറക്ടറെ മാറ്റാൻ ഉത്തരവിട്ടു.

എമിറേറ്റ്സ് ഹെൽത്ത് ഫൗണ്ടേഷൻ ഡയറക്ടർ ജനറലിനോട് അടുത്ത മാസം ആശുപത്രിയിൽ ഹാജരായി സേവനങ്ങൾ മെച്ചപ്പെടുത്താനും ആവശ്യപ്പെട്ടിട്ടുണ്ട്. എന്നാൽ ആരായിരിക്കും പുതിയ ഡയറക്ടർ എന്ന് വെളിപ്പെടുത്തിയിട്ടില്ല.

യുഎഇയിലെ ഏറ്റവും മികച്ചതും മോശപ്പെട്ടതുമായി വിലയിരുത്തപ്പെട്ട ഏറ്റവും പുതിയ സർക്കാർ സേവനങ്ങൾ ഷെയ്ഖ് മുഹമ്മദ് വെളിപ്പെടുത്തിയതിന് പിന്നാലെയാണ് ഈ തീരുമാനം വന്നത്.