ഖത്തറിലെ ദുഹൈൽ ഇന്റർസെക്ഷൻ ഒരാഴ്ചത്തേക്ക് അടച്ചിട്ടു

ദോഹ: ഖത്തറിലെ ദുഹൈൽ ഇന്റർസെക്ഷൻ ഒരാഴ്ചത്തേക്ക് അടച്ചിട്ടതായി പൊതുമരാമത്ത് അതോറിറ്റി (അഷ്ഗാൽ) അറിയിച്ചു. ഇന്നലെ മുതൽ ഓഗസ്റ്റ് 6 (ചൊവ്വ) വരെയാണ് റോഡ് അടച്ചിടുന്നത്. ആഭ്യന്തര മന്ത്രാലയത്തിന്റെ ഔദ്യോഗിക സോഷ്യൽ മീഡിയ അക്കൗണ്ടിലൂടെയാണ് ഇക്കാര്യം  അറിയിച്ചത്. അൽ ഖഫ്ജി സ്ട്രീറ്റിൽ നിന്ന് ദോഹയിലേക്കും സബാഹ് അൽ അഹമ്മദ് ഇടനാഴിയിലേക്കുമുള്ള റോഡാണ് അടച്ചിടുന്നത്. റോഡ് ഉപയോക്താക്കൾക്ക് മറ്റ് ബദൽ റോഡുകൾ ഉപയോഗിക്കാമെന്നും അധികൃതർ വ്യക്തമാക്കി.