• Home
  • News
  • ബഹ്‌റൈൻ : ജീവനക്കാര​ന്‍റെ സത്യസന്ധതക്ക്​ ലുലു ഗ്രൂപ്പിന്‍റെ ആദരം

ബഹ്‌റൈൻ : ജീവനക്കാര​ന്‍റെ സത്യസന്ധതക്ക്​ ലുലു ഗ്രൂപ്പിന്‍റെ ആദരം

മനാമ : പണവും ക്രെഡിറ്റ്​ കാർഡുകളും അടങ്ങിയ ബാഗ്​ ഉടമസ്​ഥന്​ തിരിച്ചേൽപിച്ച ജീവനക്കാരന്​ ലുലു ഗ്രൂപ്പ്​ ഇന്‍റർനാഷണൽ ചെയർമാനും എം.ഡിയുമായ എം.എ യൂസഫലിയുടെ അഭിനന്ദനം. 200 ദിനാർ പാരിതോഷികവും അദ്ദേഹത്തിന്​ നൽകി.ദാന മാൾ ലുലു ഹൈപ്പർമാർക്കറ്റി​െല കാർ പാർക്കിങ്​ വിഭാഗത്തിൽ ജീവനക്കാരനും ബംഗ്ലാദേശ്​ സ്വദേശിയുമായ അബൂബക്കറാണ്​ സത്യസന്ധതയുടെ മാതൃകയായത്​. രണ്ട്​ വർഷമായി ഇവിടെ ജോലി ചെയ്യുകയാണ്​ ഇദ്ദേഹം. കഴിഞ്ഞയാഴ്​ച, കാർ പാർക്കിങ്​ ഏരിയയിലെ ട്രോളികൾ തിരിച്ച്​ ട്രോളി സ്​റ്റേഷനിൽ എത്തിക്കുന്നതിനിടെയാണ്​ പണമടങ്ങിയ ബാഗ്​ കണ്ടത്​. 1100 ദിനാറും ക്രെഡിറ്റ്​ കാർഡുകളുമാണ്​ അതിലുണ്ടായിരുന്നത്​. ഉടൻതന്നെ അത്​ കസ്​റ്റമർ സർവീസിൽ ഏൽപിച്ചു.ബാഗി​​െൻറ ഉടമസ്​ഥനായ മുസ്​തഫ അബേദിൻ അന്വേഷിച്ച്​ എത്തി. വീട്ടിൽ എത്തിയപ്പോഴാണ്​ ബാഗ്​ നഷ്​ടമായ വിവരം അദ്ദേഹം അറിഞ്ഞത്​. രേഖകൾ നോക്കി സ്​ഥിരീകരിച്ചശേഷം ബാഗ്​ അദ്ദേഹത്തിന്​ തിരിച്ചുനൽകി. ലുലുവി​​െൻറ മുഖമുദ്രയായ സത്യസന്ധതയും സുതാര്യതയും ഉയർത്തിപ്പിടിച്ച അബൂബക്കറി​​െൻറ പ്രവൃത്തിയിൽ അഭിമാനമുണ്ടെന്ന്​ ഡയറക്​ടർ ജുസെർ രൂപവാല പറഞ്ഞു.

Related News

Recent Updates

OMAN LATEST NEWS

UAE LATEST NEWS

KUWAIT LATEST NEWS

QATAR LATEST NEWS

SAUDI ARABIA LATEST NEWS

BAHRAIN LATEST NEWS