ചെമ്മീൻ ഡ്രൈ ഫ്രൈ
ചെമ്മീൻ -300gm ചെറിയുള്ളി -10 ഇഞ്ചി - 1 ചെറിയ കഷണം വെള്ളുതുള്ളി -7-8 അല്ലി മുളക് പൊടി -2 റ്റീസ്പൂൺ മഞൾപൊടി -1/4 റ്റീസ്പൂൺ മല്ലിപൊടി - 1/2 റ്റീസ്പൂൺ കുരുമുളക് പൊടി -1/2 റ്റീസ്പൂൺ സവാള -2 മീഡിയം വലുപ്പം കറിവേപ്പില -1 തണ്ട് എണ്ണ, ഉപ്പ് - പാകത്തിനു നാരങ്ങാ നീരു -1 റ്റീസ്പൂൺ ഗരം മസാല -1/4 റ്റീസ്പൂൺ
തയാറാക്കുന്ന വിധം
നാരങ്ങാനീരു ,മുളക്പൊടി, മഞൾപൊടി, ഇഞ്ചി, വെള്ളുതുള്ളി, ചെറിയുള്ളി, മല്ലിപൊടി,ഗരം മസാല ,ഉപ്പ് ഇവ മിക്സിയിൽ ഇട്ട് പേസ്റ്റ് ആക്കി അരച്ച് എടുക്കുക.അരച്ച് എടുത്ത കൂട്ട് ചെമ്മീനിൽ നന്നായി പുരട്ടി പിടിപ്പിച്ച് 30 മിനുറ്റ് മാറ്റി വക്കുക.പാനിൽ എണ്ണ ചൂടാക്കി ( എണ്ണ കുറച്ച് കൂടുതൽ എടുക്കണം)ചെമ്മീൻ ഇട്ട് നന്നായി ഇളക്കി അടച്ച് വച്ച് മൂപ്പിക്കുക.ചെമ്മീൻ ഒരു മുക്കാൽ വേവ് ആകുമ്പോൾ സവാള ,കറിവേപ്പില,കുരുമുളക് പൊടി , ഇവ കൂടെ ചേർത്ത് നന്നായി ഇളക്കി ,പാകത്തിനു ഉപ്പും ചേർത്ത് ഇളക്കി അടച്ച് വച്ച് വേവിച്ച് നന്നായി നിറമൊക്കെ മാറി നല്ല ഡ്രൈ ആകുന്ന വരെ ഇളക്കി മൂപ്പിച്ച് എടുക്കുക.
