ബ്ലാസ്റ്റേഴ്സിന് ഇന്ന് പുണെ എഫ്.സിക്കെതിരെ
മുംബൈ: ഐ.എസ്.എല് അഞ്ചാം സീസണിലും മുമ്പത്തെപ്പോലെ സമനില കുരുക്കില് വീര്പ്പുമുട്ടുന്ന കേരളത്തിെൻറ മഞ്ഞപ്പടക്ക് മറാത്ത മണ്ണില് വിജയത്തില് കുറഞ്ഞൊന്നും ചിന്തിക്കാനില്ല. വെള്ളിയാഴ്ച ബാലെവാടി, ശ്രീ ശിവ് ഛത്രപതി സ്പോര്ട്സ് കോംപ്ലക്സിലെ സ്റ്റേഡിയത്തില് എഫ്.സി പുണെ സിറ്റിയെയാണ് ബ്ലാസ്റ്റേഴ്സ് നേരിടുന്നത്. ഇതുവരെ ജയിക്കാന് കഴിഞ്ഞില്ലെങ്കിലും നിസ്സാരക്കാരല്ല പുണെ. അവരെ ജയിക്കാന് മഞ്ഞപ്പട നന്നായി വിയര്ക്കേണ്ടിവരും.
കഴിഞ്ഞദിവസം നടന്ന മത്സരത്തിൽ ജംഷഡ്പുർ എഫ്സി 4–-1ന് എഫ്സി ഗോവയെ തോൽപ്പിച്ചു. ജംഷഡ്പുരിനുവേണ്ടി മൈക്കൽ സൂസൈരാജ് രണ്ട് ഗോൾ നേടി. മെമോയും സുമീത് പാസിയും മറ്റ് ഗോളുകൾ നേടി. ഗോവയുടെ ഏക ഗോൾ മൊർട്ടാസ ഫോളിന്റേതാണ്.