ഐഎസ്എലിൽ ചെന്നൈയിൻ എഫ്സിക്ക് സീസണിലെ ആദ്യ ജയം
പൂന: ഐഎസ്എലിൽ ചെന്നൈയിൻ എഫ്സിക്ക് സീസണിലെ ആദ്യ ജയം. ഒരു ഗോളിനു പിന്നിൽനിന്നശേഷം നാലെണ്ണം തിരിച്ചടിച്ച് 2-4നാണ് ചെന്നൈയിൻ എഫ്സി ജയം സ്വന്തമാക്കിയത്. മലിൽസണ് ആൽവസ് (54-ാം മിനിറ്റ്), ഗ്രിഗറി നെൽസണ് (56-ാം മിനിറ്റ്), ഇനിഗൊ കാൽഡറൻ (69-ാം മിനിറ്റ്), തോയ് സിംഗ് (72-ാം മിനിറ്റ്) എന്നിവർ ചെന്നൈയിനായി ഗോൾ നേടി.ആഷിഖ് കുരുനിയൻ (ഒന്പതാം മിനിറ്റ്), ജോനാഥൻ വില (90-ാം മിനിറ്റ്) എന്നിവരാണ് ആതിഥയർക്കായി ലക്ഷ്യം നേടിയത്. ഏഴ് മത്സരങ്ങളിൽനിന്ന് നാല് പോയിന്റുമായി എട്ടാം സ്ഥാനത്താണ് ചെന്നൈയിൻ. ആറ് മത്സരങ്ങളിൽനിന്ന് രണ്ട് പോയിന്റുമായി പൂന സിറ്റി ഏറ്റവും പിന്നിലാണ്.