ലോകകപ്പ് ക്രിക്കറ്റ് ആദ്യ സെമിയിൽ ന്യൂസിലൻഡ് ആദ്യം ബാറ്റു ചെയ്യും
മാഞ്ചസ്റ്റർ: ലോകകപ്പ് ക്രിക്കറ്റ് ആദ്യ സെമിയിൽ ഇന്ത്യക്കെതിരേ ന്യൂസിലൻഡ് ആദ്യം ബാറ്റു ചെയ്യുന്നു. ടോസ് നേടിയ കിവീസ് നായകൻ കെയ്ൻ വില്ല്യംസണ് ബാറ്റിംഗ് തെരഞ്ഞെടുക്കുകയായിരുന്നു. ഒരു മാറ്റവുമായാണ് ന്യൂസിലൻഡ് ഇറങ്ങുന്നത്. ടിം സൗത്തിക്കു പകരം പേസ് ബൗളർ ലോക്കി ഫെർഗൂസണ് കിവീസ് നിരയിൽ തിരിച്ചെത്തി. ഇന്ത്യൻ നിരയിലും ഒരു മാറ്റമുണ്ട്. കുൽദീപ് യാദവിനു പകരം യുസ്വേന്ദ്ര ചഹൽ ടീമിലെത്തി. ടൂർണമെന്റിൽ നാലു മത്സരങ്ങളിൽനിന്ന് 14 വിക്കറ്റ് നേടിയ പേസർ മുഹമ്മദ് ഷമിയെ ഇന്ത്യ ടീമിൽ ഉൾപ്പെടുത്തിയില്ല. പകരം ഭുവനേശ്വർ കുമാറിനെ നിലനിർത്താൻ മാനേജ്മെന്റ് തീരുമാനിക്കുകയായിരുന്നു.