ജുമൈറ ബീച്ചിൽ എഐ റോബോട്ടിറങ്ങി; ഇനി പാതകളിൽ നിയമലംഘനം ഉണ്ടായാൽ എഐ ബുദ്ധി ഉണരും, പിന്നാലെ പിഴയും

ദുബായ്: സൈക്കിളുകളെയും  ഇ സ്കൂട്ടറുകളെയും നിരീക്ഷിക്കാൻ ദുബായിൽ ഇനി എ ഐ റോബോട്ട്.  പാതകളിലെ നിയമലംഘനങ്ങൾ പഠിക്കുന്നതിനായി  ജുമൈറ ബീച്ചിലാണ് റോബോട്ട് ഇറങ്ങിയത്.  നിയമലംഘനങ്ങൾക്ക് പിഴ ഈടാക്കുന്നതുൾപ്പടെ ഭാവി കാര്യങ്ങൾ റോബോട്ട് നൽകുന്ന വിവരങ്ങളെ ആശ്രയിച്ചിരിക്കും.  

ജുമൈറ ബീച്ചിലെ നടപ്പാതയിൽ കറങ്ങുകയാണ് റോബോട്ട്.  സൈക്ലിങ്, ഇ സ്കൂട്ടർ,  എന്നിവ നിരീക്ക്കും. നിയമലംഘനം ഉണ്ടായാൽ എ ഐ ബുദ്ധി ഉണരും.  ക്യാമറകൾ കൊണ്ട് നിരീക്ഷണം.  നിയമലംഘനങ്ങളുടെ ചിത്രമെടുക്കും.  ആദ്യഘട്ടത്തിൽ  പഠനാവശ്യത്തിനാണ് റോബോട്ടിന്റെ സേവനം. നിയമലംഘനങ്ങളുടെ തോത് പഠിക്കുകയാണ് ലക്ഷ്യം. 

ആവശ്യമെങ്കിൽ ഇ സ്കൂട്ടറുകളും സൈക്കിളുകളുമൊക്കെ നടത്തുന്ന നിയമലംഘനങ്ങൾക്ക് പിഴയുൾപ്പടെ പിന്നീട് വന്നേക്കാം.  പിഴ ഇപ്പോൾ ഇല്ല.  ഡാറ്റ ക്വാളിറ്റിയും കൃത്യതയും ഉറപ്പാക്കലാണ് ആദ്യ ലക്ഷ്യമെന്ന് വിശദീകരിക്കുന്നുണ്ട്  അധികൃതർ. സുരക്ഷയാണ് ഏറ്റവും പ്രധാന ലക്ഷ്യം. ഫോസ് റെക്കഗ്നിഷൻ, എമിറേറ്റ്സ് ഐ ഡി റീഡിങ് ഒക്കെ ആലോചനയിലുണ്ട്. ഒരുപക്ഷേ മുഴുവൻ നടപ്പാതകളിലും സൈക്ലിങ് ട്രാക്കുകളിലും ഉടനെ നിരീക്ഷകനായി റോബോട്ട് വന്നേക്കാം