ദുബായിൽ മെഡിക്കൽ പ്രൊഫഷണലുകൾക്ക് 3 മാസത്തെ പരിശീലനത്തിനുള്ള പെർമിറ്റ് അനുവദിക്കുമെന്ന് ഹെൽത്ത് അതോറിറ്റി
മെഡിക്കൽ പ്രൊഫഷണലുകൾക്ക് യുഎഇയിൽ പ്രാക്ടീസ് ചെയ്യാൻ അനുവദിക്കുന്നതിനായി ദുബായ് മൂന്ന് മാസത്തെ ‘പരിശീലനത്തിനുള്ള പെർമിറ്റ്’ ആരംഭിച്ചതായി ദുബായ് ഹെൽത്ത് അതോറിറ്റി (DHA) ഇന്ന് ബുധനാഴ്ച നടന്ന അറബ് ഹെൽത്ത് കോൺഗ്രസ് 2024-ൽ പ്രഖ്യാപിച്ചു.
അടിയന്തര സാഹചര്യങ്ങൾ, ദുരന്തങ്ങൾ, പ്രതിസന്ധികൾ എന്നിവ കൈകാര്യം ചെയ്യാൻ പ്രാദേശിക ആരോഗ്യ സംരക്ഷണ മേഖലയെ സജ്ജരാക്കുന്നതിൽ ഈ പെർമിറ്റ് സംരംഭം സജീവമായ പങ്ക് വഹിക്കുമെന്ന് അതോറിറ്റി പറഞ്ഞു.
ഈ പെർമിറ്റ് ഒരു ദിവസത്തിനുള്ളിൽ ലഭിക്കുകയും മൂന്ന് മാസം വരെ കാലാവധി ഉള്ളതുമായിരിക്കും. ഈ കാലയളവിൽ ഹെൽത്ത് കെയർ പ്രൊഫഷണലുകളെ ഹെൽത്ത് കെയർ സൗകര്യങ്ങളുമായി പ്രവർത്തിക്കാനും ദുബായിൽ പ്രാക്ടീസ് ചെയ്യുന്നതുമായി ബന്ധപ്പെട്ട ചട്ടങ്ങളും മാനദണ്ഡങ്ങളും സ്വയം പരിചയപ്പെടുത്താനും പ്രൊഫഷണൽ ലൈസൻസിന് അപേക്ഷിക്കുന്ന പ്രക്രിയ ഏറ്റെടുക്കാനും പ്രാപ്തരാക്കുമെന്ന് ഡിഎച്ച്എയുടെ ആരോഗ്യ നിയന്ത്രണ വിഭാഗത്തിൻ്റെ സിഇഒ ഡോ. മർവാൻ അൽ മുല്ല പറഞ്ഞു.
ഹെൽത്ത് പ്രൊഫഷണലുകൾക്ക് ഈ സേവനത്തിന് നേരിട്ട് അപേക്ഷിക്കാൻ കഴിയില്ല. ലൈസൻസുള്ള ഹെൽത്ത് കെയർ ഫെസിലിറ്റിയുടെ മെഡിക്കൽ ഡയറക്ടറുടെ അക്കൗണ്ടിലൂടെയാണ് ഇതിന് അപേക്ഷിക്കേണ്ടത്. ഇലക്ട്രോണിക് സംവിധാനമായ ‘‘Sheryan’വഴിയാണ് അപേക്ഷാ നടപടിക്രമം പൂർത്തിയാക്കാനാകുക.
ഗൾഫിലെ പ്രധാന വാർത്തകൾ വാട്സാപ്പിൽ ലഭിക്കുവാൻ താഴെ കൊടുത്ത ലിങ്കിൽ ക്ലിക്ക് ചെയ്ത് പേര് അയക്കുകലിങ്ക് ക്ലിക്ക് ചെയ്യുക , ഫേസ്ബുക്കിൽ ലഭിക്കുവാൻ ഇ ലിങ്ക് ക്ലിക്ക് ചെയ്യുക.