• Home
  • News
  • വലിയ ബജറ്റിലൊരുങ്ങുന്ന പൃഥ്വിരാജിന്റെ 'കാളിയൻ' ഒക്ടോബറിൽ ചിത്രീകരണം ആരംഭിക്കും !
prithviraj-big-budget-movie-kaaliyan

വലിയ ബജറ്റിലൊരുങ്ങുന്ന പൃഥ്വിരാജിന്റെ 'കാളിയൻ' ഒക്ടോബറിൽ ചിത്രീകരണം ആരംഭിക്കും !

മലയാളസിനിമയിൽ സംഭവിക്കാൻ പോകുന്ന മറ്റൊരു ബ്രഹ്മാണ്ഡ ചിത്രമാണ് പൃഥ്വിരാജിന്റെ കാളിയൻ. 2018ലാണ് ചിത്രത്തിലെ ഔദ്യോഗികമായ പ്രഖ്യാപനം നടന്നത്. കാളിയൻ എന്ന കഥാപാത്രമായി മോഷൻ പോസ്റ്റർ പ്രത്യക്ഷപ്പെട്ട പൃഥ്വിരാജിന്റെ വോയിസ് നരേഷാനും വലിയ ജനശ്രദ്ധ പിടിച്ചുപറ്റിയിരുന്നു. ചിത്രീകരണം ആരംഭിക്കാൻ ഇനിയും വർഷങ്ങൾ എടുക്കും എന്ന് പ്രഖ്യാപന വേളയിൽത്തന്നെ പൃഥ്വിരാജ് തുറന്നു പറഞ്ഞിട്ടുള്ളതാണ്. ചിത്രത്തിന്റെ ലൊക്കേഷൻ തിരഞ്ഞെടുക്കുന്നതിനായി സംവിധായകനും നിർമാതാവും വർഷം ശ്രീലങ്കയിൽ നടത്തിയ യാത്രകളും വാർത്തകളിൽ ഇടം പിടിച്ചിട്ടുള്ളതാണ്. പ്രേക്ഷകരും വലിയ പ്രതീക്ഷയോടെ കാത്തിരിക്കുന്ന കാളിയന്റെ സ്ത്രീ കാരണം ഈ വർഷം ഒക്ടോബറോടെ ആരംഭിക്കുമെന്നാണ് ഇപ്പോൾ ലഭിക്കുന്ന റിപ്പോർട്ട്. ചിത്രത്തിനെ സംബന്ധിക്കുന്ന അവസാനഘട്ട ചർച്ച കഴിഞ്ഞദിവസം പൃഥ്വിരാജും സംവിധാനവും നിർമ്മാതാവും മറ്റ് അണിയറപ്രവർത്തകരെയും നടത്തിയിരുന്നു. ചിത്രത്തിന്റെ പ്രീ പ്രൊഡക്ഷൻ വർക്കുകളുടെ അവസാനഘട്ടം എറണാകുളത്ത് പുരോഗമിക്കുകയാണ്. മാജിക് മോൻ പ്രൊഡക്ഷൻസ് നിർമ്മിക്കുന്ന ചിത്രത്തിലെ കാസ്റ്റിംഗ് കാൾ ഉടൻ തന്നെ ഉണ്ടാകുമെന്ന് അണിയറപ്രവർത്തകർ അറിയിച്ചിട്ടുണ്ട്. ബി ടി അനിൽകുമാർ തിരക്കഥ രചിക്കുന്ന ചിത്രം സംവിധാനം ചെയ്യുന്നത് നവാഗതനായ എസ്. മഹേഷ് ആണ്.

നിലവിൽ ആടുജീവിതം എന്ന ചിത്രത്തിന് വേണ്ടിയുള്ള തയ്യാറെടുപ്പിലാണ് പൃഥ്വിരാജ്. വലിയ ബഡ്ജറ്റിൽ ഒരുങ്ങുന്ന ആടുജീവിതത്തിന് വേണ്ടി ശരീരഭാരം നന്നേ കുറയ്ക്കാൻ സിനിമയിൽ നിന്നും മൂന്ന് മാസത്തേക്കാണ് പൃഥ്വിരാജ് ബ്രേക്ക് എടുത്തിരിക്കുന്നത്. വലിയ തയ്യാറെടുപ്പുകളോടെ ഒരുക്കുന്ന ആടുജീവിതത്തിന് വേണ്ടി ഏഴ് മാസത്തോളം പൃഥ്വിരാജ് മാറ്റിവയ്ക്കും എന്നാണ് അറിയാൻ കഴിയുന്നത്. അതിനുശേഷം ചിത്രീകരണമാരംഭിക്കുന്ന കാളിയനെ ഭാഗമാവുകയും ചെയ്യും. ചരിത്ര പശ്ചാത്തലത്തിൽ ഒരുങ്ങുന്ന കാളിയൻ ബ്രഹ്മാണ്ഡ ചിത്രങ്ങളായ പഴശ്ശിരാജ, ഉറുമി, മാമാങ്കം എന്നീ ചിത്രങ്ങളെ പോലെ ആയിരിക്കുമെന്നും സൂചനകളുണ്ട്.

Recent Updates