വനിതാ ജീവനക്കാർക്ക് രണ്ടു വർഷം വരെ പ്രസവാനന്തര അവധിയുമായി ഏരീസ് ഗ്രൂപ്പ്
ദുബായ് ∙ സ്ഥാപനത്തിന്റെ രജത ജൂബിലി ആഘോഷത്തോടനുബന്ധിച്ച് ഏരീസ് ഗ്രൂപ്പ് വനിതാ ജീവനക്കാര്‍ക്ക് പ്രസവാനന്തര ആനുകൂല്യമായി ‘ശിശു പരിചരണ അവധി’ എന്ന പുതിയ പദ്ധതിയുമായി രംഗത്ത്. ഏരീസ് കുടുംബത്തിലെ എല്ലാ നവജാതശിശുക്കള്‍ക്കും മികച്ച മാതൃ പരിചരണം ഉറപ്പുവരുത്തുക എന്ന ലക്ഷ്യത്തോടെയാണ് ആനുകൂല്യങ്ങൾ നഷ്ടപ്പെടാതെയുള്ള പുതിയ പ്രഖ്യാപനം. ഒരു വര്‍ഷം വരെ നീണ്ട അവധിയും ഒരു വര്‍ഷത്തേക്ക് വര്‍ക്ക് ഫ്രം ഹോം സൗകര്യത്തോടെയുമാണ് അവധി നല്‍കുക. സർവീസ് ബ്രേക്ക് ഇല്ലാത്ത അവധികൾ ആയിരിക്കും ഇത്.
ഓഫീസിന് സമീപം താമസിക്കുന്നവര്‍ക്ക് ജോലി സമയത്ത് നാല്, അരമണിക്കൂര്‍ വീതം ഇടവേളകള്‍ എടുക്കാനുള്ള സൗകര്യവും ഈ പദ്ധതിയുടെ ഭാഗമായുണ്ട്. വനിതാ ജീവനക്കാര്‍ക്ക് ആര്‍ത്തവാവധി ഏര്‍പ്പെടുത്തിയ ഏഷ്യയിലെ ആദ്യ സ്ഥാപനം കൂടിയാണ് യുഎഇ ആസ്ഥാനമാക്കി പ്രവര്‍ത്തിയ്ക്കുന്ന ഏരീസ് ഗ്രൂപ്പ്.
പല മേഖലകളിലും സ്ത്രീകളുടെ അവകാശങ്ങള്‍ അടിച്ചമര്‍ത്തപ്പെടുകയും തൊഴിലാളി ചൂഷണങ്ങള്‍ വർധിക്കുകയും ചെയ്യുന്ന ഈ കാലഘട്ടത്തില്‍ തങ്ങളുടെ സ്ഥാപനത്തിന്റെ ഇരുപത്തിയഞ്ചാം വാര്‍ഷികത്തിന്റെ ഭാഗമായി ഇത്തരം വിപ്ലവകരമായ പ്രഖ്യാപനങ്ങള്‍ നടത്താന്‍ സാധിച്ചതില്‍ സന്തോഷമുണ്ട്. ഇതു മറ്റു സ്ഥാപനങ്ങള്‍ മാതൃകയാക്കണമെന്നും സ്ഥാപനത്തിന്റെ സ്ഥാപക ചെയര്‍മാനും സിഇഒയുമായ സോഹന്‍ റോയ് പറഞ്ഞു.
19 രാജ്യങ്ങളിലായി രണ്ടായിരത്തിലധികം ജീവനക്കാരുള്ള ലോകത്തിലെ ഏറ്റവും വലിയ ഷിപ് ഡിസൈന്‍ ആന്റ് ഇന്‍സ്‌പെക്ഷന്‍ സ്ഥാപനമായ ഏരീസ് ഗ്രൂപ്പില്‍ സ്ത്രീ ശാക്തീകരണത്തിനായി നിരവധി നവീന പദ്ധതികളാണ് ആവിഷ്‌കരിച്ചിരിക്കുന്നത്. സ്ത്രീധന നിരോധന നിയമം, ജീവനക്കാരുടെ തൊഴില്‍രഹിതരായ ഭാര്യമാര്‍ക്ക് വേതനം, വനിതാ ജീവനക്കാര്‍ക്ക് ആര്‍ത്തവാവധി, വനിതാ ജീവനക്കാരെ സംരംഭകരാക്കി മാറ്റാനുള്ള പദ്ധതി, വര്‍ക്ക് ഫ്രം ഹോം, ജീവനക്കാരുടെ മാനസിക ഉല്ലാസത്തിനായി പുത്തൻ കർമ്മപരിപാടികൾ, ലിംഗവിവേചനത്തിനെതിരായ നയം, സ്ത്രീകളുടെ ക്ഷേമത്തിനായുള്ള മറ്റു വിവിധ പദ്ധതികള്‍ തുടങ്ങിയവയൊക്കെ ഏരീസ് ഗ്രൂപ്പ് നടപ്പിലാക്കിയ മറ്റു സ്ത്രീ ശാക്തീകരണ തീരുമാനങ്ങളാണ്.
19 രാജ്യങ്ങളിലായി രണ്ടായിരത്തിലധികം ജീവനക്കാരുള്ള ലോകത്തിലെ ഏറ്റവും വലിയ ഷിപ് ഡിസൈന്‍ ആന്റ് ഇന്‍സ്‌പെക്ഷന്‍ സ്ഥാപനമായ ഏരീസ് ഗ്രൂപ്പില്‍ സ്ത്രീ ശാക്തീകരണത്തിനായി നിരവധി നവീന പദ്ധതികളാണ് ആവിഷ്‌കരിച്ചിരിക്കുന്നത്. സ്ത്രീധന നിരോധന നിയമം, ജീവനക്കാരുടെ തൊഴില്‍രഹിതരായ ഭാര്യമാര്‍ക്ക് വേതനം, വനിതാ ജീവനക്കാര്‍ക്ക് ആര്‍ത്തവാവധി, വനിതാ ജീവനക്കാരെ സംരംഭകരാക്കി മാറ്റാനുള്ള പദ്ധതി, വര്‍ക്ക് ഫ്രം ഹോം, ജീവനക്കാരുടെ മാനസിക ഉല്ലാസത്തിനായി പുത്തൻ കർമ്മപരിപാടികൾ, ലിംഗവിവേചനത്തിനെതിരായ നയം, സ്ത്രീകളുടെ ക്ഷേമത്തിനായുള്ള മറ്റു വിവിധ പദ്ധതികള്‍ തുടങ്ങിയവയൊക്കെ ഏരീസ് ഗ്രൂപ്പ് നടപ്പിലാക്കിയ മറ്റു സ്ത്രീ ശാക്തീകരണ തീരുമാനങ്ങളാണ്.
ടോപ് ഗൾഫ്‌ന്യൂസ് വാർത്തകൾ വാട്സാപ്പിൽ ലഭിക്കുവാൻ ഇവിടെ ക്ലിക്ക് ചെയ്‌തു സന്ദേശം അയക്കുക , ഫേസ്ബുക്കിൽ ലഭിക്കുവാൻ ഇ ലിങ്ക് ക്ലിക്ക് ചെയ്യുക.
