സെൻട്രൽ ബാങ്ക് പലിശ നിരക്ക് കാൽ ശതമാനം വർധിപ്പിച്ചു

അബുദാബി∙ യുഎഇ സെൻട്രൽ ബാങ്ക് അടിസ്ഥാന പലിശ നിരക്ക് കാൽ ശതമാനം വർധിപ്പിച്ചു. 4.4%ൽനിന്ന് 4.65% ആക്കിയാണ് വർധിപ്പിച്ചത്. യുഎസ് ഫെഡറൽ റിസർവ് പലിശ നിരക്ക് വർധിപ്പിച്ചതിനെ തുടർന്നാണ് നടപടി.

ഇതോടെ ബാങ്ക് നിക്ഷേപങ്ങൾക്ക് പലിശ നിരക്ക് കൂടും. എന്നാൽ വ്യക്തിഗത, ഭവന, ബിസിനസ് തുടങ്ങി എല്ലാ ഇനം വായ്പകൾക്കും കൂടുതൽ പലിശ കൊടുക്കേണ്ടിവരും.