• Home
  • News
  • ഇന്ധന വില വീണ്ടും വര്‍ധിപ്പിച്ചു

ഇന്ധന വില വീണ്ടും വര്‍ധിപ്പിച്ചു

തിരുവനന്തപുരം : ഇന്ധന വില വീണ്ടും വര്‍ധിപ്പിച്ചു. കൊച്ചിയില്‍ പെട്രോള്‍ വില 81 രൂപ കടന്നു. 81.19 രൂപയാണ് ഇന്നത്തെ വില. ലീറ്ററിന് 32 പൈസയാണ് ഇന്നു മാത്രം കൂടിയത്. ഡീസല്‍ വില 75 കടന്നു. കൊച്ചിയില്‍ നഗരപരിധിക്കു പുറത്ത് പെട്രോള്‍ വില 82 രൂപയ്ക്കു മുകളിലെത്തി. ഡീസല്‍ വില 76 രൂപയും കടന്നു. കോഴിക്കോട് നഗരത്തില്‍ പെട്രോളിന് വില ലീറ്ററിന് 82 രൂപയും ഡീസലിന് 75.78 രൂപമാണ് വില. തിരുവനന്തപുരം നഗരത്തില്‍ 82 രൂപ 28 പൈസയാണ് ഇന്ന് പെട്രോള്‍ വില.

ക്രൂഡോയിൽ വിലക്കുതിപ്പും ഡോളറിനെതിരെ രൂപയുടെ മൂല്യത്തകർച്ചയുമാണ് ഇന്ധനവില കൂടാൻ കാരണം. അതേസമയം കേന്ദ്രം എക്‌സൈസ് നികുതിയും സംസ്ഥാനങ്ങൾ വാറ്റും കുറച്ചാൽ വില നേരിയതോതിലെങ്കിലും കുറയ്‌ക്കാനാകും. അന്താരാഷ്‌ട്ര വിപണിയിലേക്ക് ഇറാനിൽ നിന്നുള്ള ക്രൂഡോയിൽ വിതരണം കുറഞ്ഞതിനാൽ വരും നാളുകളിലും വില കൂടുമെന്നാണ് വിലയിരുത്തൽ.

Related News

Entertainment

Business