അപകടത്തിൽ പരിക്കേറ്റ്​ 10 മാസം ആശുപത്രിയിൽ, പ്രവാസിയെ നാട്ടിലെത്തിച്ചു

റിയാദ് ​: അപകടത്തിൽ പരിക്കേറ്റ്​ ശരീരം തളർന്ന്​ സൗദി അറേബ്യയിലെ രണ്ട്​ ആശുപത്രികളിലായി 10 മാസം കിടന്ന പശ്ചിമ ബംഗാൾ സ്വദേശിയെ നാട്ടിലെത്തിച്ചു. കൊൽക്കത്ത ബിർഭം നാനൂർ സ്വദേശിയായ മുനീറുദ്ദീൻ എന്ന 27കാ​രന്​ കഴിഞ്ഞ വർഷം ഏപ്രിലിൽ ഒരു വാഹനാപകടത്തിലാണ്​ ഗുരുതര പരിക്കേറ്റത്​.

റിയാദിൽനിന്ന്​ 300 കിലോമീറ്ററകലെ ശഖ്​റയിലെ സർക്കാർ ആശുപത്രിയിലാണ്​ പ്രവേശിച്ചത്​. തലച്ചോറിന്​ ഗുരുതര പരിക്കേറ്റ ഇയാളുടെ ഒരു വശം പൂർണമായും തളർന്നുപോയി. മുഖത്തെയും കൈകാലുകളിലെയും അസ്ഥികൾ പൊട്ടി. അവിടെ ആശുപത്രിയിൽ വേണ്ടത്ര സൗകര്യമില്ലാത്തതിനാൽ വിദഗ്​ധ ചികിത്സക്കായി ​റിയാദ്​ ​ശുമൈസിയിലെ കിങ്​ സഊദ്​ ആശുപത്രിയിലെത്തിച്ചു. അഞ്ചുമാസം ഇവിടെ ചികിത്സയിൽ കഴിഞ്ഞു. എന്നാൽ കിടക്കയില്ലാത്തതിനാൽ തിരികെ ശഖ്​റ ജനറൽ ആശുപത്രിയിലേക്ക്​ തന്നെ കൊണ്ടുപോകേണ്ടിവന്നു. അവിടെയും അഞ്ചുമാസം കൂടി കിടന്നു.

ഇതിനിടയിൽ യുവാവിനെ നാട്ടിലെത്തിക്കാൻ വീട്ടുകാർ എല്ലാ ശ്രമവും നടത്തുന്നുണ്ടായിരുന്നു. പശ്ചിമ ബംഗാൾ മുഖ്യമന്ത്രി മമതാ ബാനർജിക്കും പ്രധാനമന്ത്രി നരേന്ദ്ര മോദിക്കും നിവേദനം നൽകി. ഇരു ഓഫീസുകളിൽനിന്നും റിയാദിലെ ഇന്ത്യൻ എംബസിയിലേക്ക്​ കത്തുവന്നു. നാട്ടിലെത്തിക്കാൻ വേണ്ടത്​ ചെയ്യാനായിരുന്നു നിർദേശം. എംബസി ചുമതലപെടുത്തിയതിനെ തുടർന്ന്​ സാമൂഹികപ്രവർത്തകൻ ശിഹാബ്​ കൊട്ടുകാട്​ ശഖ്​റയിലെത്തുകയും സ്ഥിതിഗതികൾ മനസിലാക്കിയ ശേഷം നാട്ടിലെത്തിക്കാനുള്ള ശ്രമം തുടങ്ങുകയും ചെയ്​തു. യുവാവ്​ ജോലി ചെയ്​തിരുന്ന കമ്പനിയുടെ റിയാദിലുള്ള ആസ്ഥാനത്ത്​ പോയി അധികൃതരുമായി സംസാരിച്ചു. അവർ എല്ലാ സഹായവും വാഗ്​ദാനം ചെയ്​തു. വിമാനത്തിൽ ആവശ്യമായ എല്ലാ വൈദ്യസഹായവും ഉറപ്പാക്കി നാട്ടിലെത്തിക്കാനുള്ള ചുമതല ദുബൈ ആസ്ഥാനമായ ബ്ലു ഡോട്ട്​ എന്ന നഴ്​സിങ്​ കമ്പനി ഏറ്റെടുത്തു.

കമ്പനി സി.ഇ.ഒ നിജിൽ ഇബ്രാഹിം റിയാദിലെത്തി ശിഹാബിനൊപ്പം ആവശ്യമായ നടപടിക്രമങ്ങൾ പൂർത്തിയാക്കി. യാത്രയിൽ പരിചരണത്തിന്​ നഴ്​സും ഓക്​സിജനും മറ്റ്​ വൈദ്യ പരിചരണവും നൽകാനുള്ള സംവിധാനവും സ്​ട്രെച്ചർ സൗകര്യവുമൊരുക്കി രോഗിയെ കൊണ്ടുപോകാനുള്ള തയ്യാറെടുപ്പ്​ നടത്തി. എന്നാൽ കൊൽക്കത്തയിലേക്ക്​ റിയാദിൽനിന്ന്​ നേരിട്ടുള്ള വിമാന സർവിസി​െൻറ കുറവ്​ യാത്ര നീളാനിടയാക്കി. ഒടുവിൽ എമിറേറ്റ്​സ്​ എയർലൈൻസ് വിമാനത്തിൽ സൗകര്യമൊരുങ്ങി.

കമ്പനി സി.ഇ.ഒ നിജിൽ ഇബ്രാഹിം റിയാദിലെത്തി ശിഹാബിനൊപ്പം ആവശ്യമായ നടപടിക്രമങ്ങൾ പൂർത്തിയാക്കി. യാത്രയിൽ പരിചരണത്തിന്​ നഴ്​സും ഓക്​സിജനും മറ്റ്​ വൈദ്യ പരിചരണവും നൽകാനുള്ള സംവിധാനവും സ്​ട്രെച്ചർ സൗകര്യവുമൊരുക്കി രോഗിയെ കൊണ്ടുപോകാനുള്ള തയ്യാറെടുപ്പ്​ നടത്തി. എന്നാൽ കൊൽക്കത്തയിലേക്ക്​ റിയാദിൽനിന്ന്​ നേരിട്ടുള്ള വിമാന സർവിസി​െൻറ കുറവ്​ യാത്ര നീളാനിടയാക്കി. ഒടുവിൽ എമിറേറ്റ്​സ്​ എയർലൈൻസ് വിമാനത്തിൽ സൗകര്യമൊരുങ്ങി.