• Home
  • News
  • ഒമാൻ ഇന്ത്യൻ സ്കൂളുകളിൽ ഒൻപത് മുതൽ പ്ലസ് ടു വരെയുള്ള ക്ലാസുകളിൽ സൗജന്യ എക്സ്ട്രാ

ഒമാൻ ഇന്ത്യൻ സ്കൂളുകളിൽ ഒൻപത് മുതൽ പ്ലസ് ടു വരെയുള്ള ക്ലാസുകളിൽ സൗജന്യ എക്സ്ട്രാ ക്ലാസ്

മസ്കത്ത്: ഒമാനിലെ ഇന്ത്യൻ സ്കൂളുകളിൽ ഉയർന്ന ക്ലാസുകളിൽ പഠിക്കുന്ന താൽപര്യമുള്ള കുട്ടിക്കൾക്ക് അധ്യയന സമയത്തിനുശേഷം സൗജന്യ എക്സ്ട്രാ ക്ലാസ് എടുത്തുക്കൊടുക്കും.കുട്ടിക്കൾക്ക് കൂടുതൽ മാർക്ക് വാങ്ങാനും പഠന നിലവാരം ഉയർത്താനും ലക്ഷ്യമിട്ടാണിത്.

ഒൻപത് മുതൽ പ്ലസ് ടു വരെയുള്ള ക്ലാസുകളിൽ പഠിക്കുന്നവർക്കാണ് ഈ സൗകര്യം. ഒൻപതും പത്തും ക്ലാസുകളിൽ പഠിക്കുന്നവർക്ക് കണക്ക്, സയൻസ്, സോഷ്യൽ സ്റ്റഡീസ്, സെക്കൻഡ് ലാംഗ്വേജ് എന്നിവയിലാണ് പ്രത്യേക ക്ലാസ് എടുക്കുക. പ്ലസ് വൺ, പ്ലസ് ടു ക്ലാസുകളിൽ പഠിക്കുന്നവർക്ക് കണക്ക്, ഫിസിക്സ്, കെമിസ്ട്രി, ബയോളജി, അക്കൗണ്ടൻസി, ബിസിനസ് സ്റ്റഡീസ്, കംപ്യൂട്ടർ സയൻസ് എന്നിവയിലും.