• Home
  • News
  • മാലിന്യത്തിൽനിന്ന് ഹൈഡ്രജൻ; ആദ്യത്തെ സൂപ്പർ ഗ്രീൻ പ്ലാന്റ് ഷാർജയിൽ വരുന്നു

മാലിന്യത്തിൽനിന്ന് ഹൈഡ്രജൻ; ആദ്യത്തെ സൂപ്പർ ഗ്രീൻ പ്ലാന്റ് ഷാർജയിൽ വരുന്നു

ഷാർജ ∙ മാലിന്യത്തിൽനിന്ന് ഹൈഡ്രജൻ ഉൽപാദിപ്പിക്കുന്ന ലോകത്തിലെ ആദ്യത്തെ സൂപ്പർ ഗ്രീൻ ഹൈഡ്രജൻ പ്ലാന്റ് ഷാർജയിൽ സ്ഥാപിക്കും. പരിസ്ഥിതി സൗഹൃദ ഊർജ ഉൽപാദന, മാലിന്യസംസ്കരണ കമ്പനിയായ ബീഹ്, യുകെയിലെ ചിനൂക്ക് ഹൈഡ്രജൻ,  യുഎസിലെ എയർ വാട്ടർ ഗ്യാസ് സൊല്യൂഷൻസ് എന്നിവയുമായി സഹകരിച്ചാണ് പ്ലാന്റ് സജ്ജമാക്കുക. വാണിജ്യാടിസ്ഥാനത്തിലുള്ള ലോകത്തെ പ്രഥമ മാലിന്യ ഹൈഡ്രജൻ പ്ലാന്റ് ആയിരിക്കുമിത്. 

ഊർജ, അടിസ്ഥാനസൗകര്യ വികസന മന്ത്രാലയ അണ്ടർ സെക്രട്ടറി (ഊർജ, പെട്രോളിയം) ഷരീഫ് അൽ ഒലാമയുടെ സാന്നിധ്യത്തിൽ ബീഹ് ഗ്രൂപ്പ് സിഇഒ ഖാലിദ് അൽ ഹുറൈമൽ, ചിനൂക്ക് ഹൈഡ്രജൻ സിഇഒയും സഹസ്ഥാപകനുമായ റിഫാത്ത് ചലാബി, എയർ വാട്ടർ ഗ്യാസ് സൊല്യൂഷൻസ് പ്രസിഡന്റും സിഇഒയുമായ ഇസ്മായേൽ ചലാബി എന്നിവർ കരാറിൽ ഒപ്പുവച്ചു. ഖരമാലിന്യം, പുനരുപയോഗം ചെയ്യാത്ത പ്ലാസ്റ്റിക്കുകൾ, തടിമാലിന്യം എന്നിവ ഉൾപ്പെടെ വ്യത്യസ്ത മാലിന്യങ്ങൾ ഉപയോഗിച്ച് സൂപ്പർ ഗ്രീൻ ഹൈഡ്രജനാക്കി മാറ്റും. 

ഇതിലൂടെ പരിസ്ഥിതി മലിനീകരണം തടയാം. പാഴ് വസ്തുക്കളും മാലിന്യങ്ങളും വലിച്ചെറിഞ്ഞ് ഭൂമിയെ നശിപ്പിക്കുന്നതും ഒഴിവാക്കാം. പരീക്ഷണാടിസ്ഥാനത്തിൽ മാലിന്യത്തിൽനിന്ന് ഹൈഡ്രജൻ ഉൽപാദിപ്പിച്ചതോടെ കാർബൺ മലിനീനകരണം മൂലമുള്ള വെല്ലുവിളി തടയാനായതായി ബീഹ് ഗ്രൂപ്പ് സിഇഒ ഖാലിദ് അൽ ഹുറൈമൽ പറഞ്ഞു. ആഗോളതലത്തിൽ പദ്ധതി നടപ്പാക്കിയാൽ മാലിന്യം കുമിഞ്ഞുകൂടുന്ന പ്രശ്നവും മലിനീകരണവും ഒഴിവാക്കാമെന്നും പറഞ്ഞു.

 

ഗൾഫിലെ പ്രധാന വാർത്തകൾ വാട്സാപ്പിൽ ലഭിക്കുവാൻ താഴെ കൊടുത്ത ലിങ്കിൽ ക്ലിക്ക് ചെയ്ത് പേര് അയക്കുകലിങ്ക് ക്ലിക്ക് ചെയ്യുക , ഫേസ്ബുക്കിൽ ലഭിക്കുവാൻ ഇ ലിങ്ക് ക്ലിക്ക് ചെയ്യുക.

Related News

Recent Updates

OMAN LATEST NEWS

View All

UAE LATEST NEWS

View All

KUWAIT LATEST NEWS

View All

QATAR LATEST NEWS

View All

SAUDI ARABIA LATEST NEWS

View All

BAHRAIN LATEST NEWS

View All