ബോച്ചെ വിന്‍ലോട്ടറിയും ബോച്ചെ ടീയും ഗള്‍ഫില്‍; 45,000 രൂപ മുതല്‍ മൂന്നു ലക്ഷം രൂപ വരെ ശമ്പളത്തിന് ജീവനക്കാരെ തേടുന്നു
ഗള്‍ഫിലും ഇന്ത്യയിലും നിരവധി തൊഴിലവസരങ്ങള്‍
2,000 മുതല്‍ 13,000 ദിര്‍ഹം വരെയാണ് ശമ്പളം
ഈ രംഗത്ത് മുന്‍പരിചയമില്ലാത്തവര്‍ക്കും അപേക്ഷിക്കാം
ദുബായ്: വാണിജ്യ-സാമൂഹിക രംഗങ്ങളില്‍ തന്റേതായ കൈയൊപ്പ് ചാര്‍ത്തിയ ബോബി ചെമ്മണ്ണൂര്‍ ഗള്‍ഫില്‍ ലോട്ടറി ബിസിനസ് തുടങ്ങി. ബോബി ചെമ്മണ്ണൂര്‍ ഗ്രൂപ്പിന്റെ പുതിയ സംരംഭങ്ങളായ ബോച്ചെ വിന്‍ ലോട്ടറി, ബോച്ചെ ടീ എന്നിവയാണ് യുഎഇയില്‍ ആരംഭിച്ചിരിക്കുന്നത്.
ബോച്ചെ വിന്‍, ഗെറ്റ് മില്യന്‍സ് എന്ന പേരില്‍ യുഎഇയില്‍ ആരംഭിച്ച ലോട്ടറിയില്‍ 1.10 കോടി ദിര്‍ഹം ആണ് ബംബര്‍ പ്രൈസും ദിവസേന നിരവധി സമ്മാനങ്ങളുമാണ് പ്രഖ്യാപിച്ചിരിക്കുന്നത്. ഇന്ത്യയില്‍ ഉടന്‍ ലോട്ടറി ആരംഭിക്കുമെന്നും 25 കോടി രൂപ ബംപര്‍ സമ്മാനം നല്‍കുമെന്നും ബോച്ചെ വിന്‍ ( http://www.bochewin.ae) എന്ന വെബ്‌സൈറ്റില്‍ പറയുന്നു. യുഎഇയില്‍ നറുക്കെടുപ്പില്‍ നൂറോളം വ്യക്തികള്‍ ഇതിനകം വിജയികളായി.
ഓരോ ദിവസവും 5,000, 300, 100 ദിര്‍ഹം വീതം വിജയിച്ചവരുടെ വിവരങ്ങളും ടിക്കറ്റ് നനമ്പറും വെബ്‌സൈറ്റിലുണ്ട്. ഓണ്‍ലൈനായും ഓഫ്‌ലൈനായും ടിക്കറ്റുകള്‍ വാങ്ങാം. അഞ്ച് ദിര്‍ഹത്തിന്റെ ടീ പാക്കറ്റ് വാങ്ങുമ്പോള്‍ ലഭിക്കുന്ന ടിക്കറ്റ് ഉപയോഗിച്ചാണ് നറുക്കെടുപ്പ്.
വെബ്‌സൈറ്റില്‍ നിന്ന് നേരിട്ട് ടീ പാക്കറ്റുകള്‍ പര്‍ച്ചേസ് ചെയ്യാം. തുടര്‍ന്ന് ഓഫിസിലെത്തി നേരിട്ട് ഇവ വാങ്ങാം. ടീ പാക്കറ്റിന്റെ മുകളിലുള്ള കൂപ്പണ്‍ കോഡ് മൊബൈലില്‍ സ്‌കാന്‍ ചെയ്ത് മല്‍സരത്തിന്റെ ഭാഗമാവാം.
ഓഫ് ലൈനായി പങ്കെടുക്കുന്നവര്‍ക്ക് അടുത്തുള്ള കടകളിലെത്തി ബോച്ചെ ടീ പാക്കറ്റുകള്‍ വാങ്ങാം. പാക്കറ്റിലെ കോഡ് സ്‌കാന്‍ ചെയ്ത ശേഷം പേര്, മൊബൈല്‍ നമ്പര്‍, കൂപ്പണ്‍ കോഡ് എന്നീ വിവരങ്ങള്‍ ടൈപ്പ് ചെയ്ത് ചേര്‍ക്കണം. സബ്മിറ്റ് ചെയ്യുമ്പോള്‍ എസ്എംഎസ് അറിയിപ്പ് ലഭിക്കുകയും ഒരു ടിക്കറ്റ് നമ്പര്‍ ലഭിക്കുകയും ചെയ്യും. ഈ നമ്പറാണ് നറുക്കെടുപ്പില്‍ ഉള്‍പ്പെടുക. വിജിയിച്ചവര്‍ക്ക് എസ്എംഎസ് അയക്കും.
ബോച്ചെ ടീ പാക്കറ്റ് ലഭിച്ചവര്‍ക്ക് എസ്എംഎസ് അയച്ചും നറുക്കെടുപ്പിന്റെ ഭാഗമാവാം. 4334 എന്ന നമ്പറില്‍ പാക്കറ്റിലെ കൂപ്പണ്‍ കോഡ് അയച്ചുനല്‍കിയാലും ടിക്കറ്റ് നമ്പര്‍ ലഭിക്കും.
ബോച്ചെ വിന്‍ ലോട്ടറി, ബോച്ചെ ടീ എന്നീ സ്ഥാപനങ്ങളില്‍ ഗള്‍ഫിലും ഇന്ത്യയിലുമായി നിരവധി തൊഴിലവസരങ്ങളുണ്ട്. ലോട്ടറി ബിസിനസ് മാനേജ് ചെയ്യുന്നതിനും ബോച്ചെ ടീ മാര്‍ക്കറ്റിങിനുമായിട്ടാണ് ഫുള്‍ടൈം, പാര്‍ട്ട്ടൈം അടിസ്ഥാനത്തില്‍ നിയമനം.
മാര്‍ക്കറ്റിങ് എക്സിക്യൂട്ടീവ്, സെയില്‍സ് എക്സിക്യൂട്ടീവ്, മാനേജര്‍മാര്‍, ടീം ലീഡേഴ്സ്, ജനറല്‍ മാനേജര്‍ (ഓപറേഷന്‍സ്), ജനറല്‍ മാനേജര്‍ (സെയില്‍സ്), ജനറല്‍ മാനേജര്‍ (മാര്‍ക്കറ്റിങ്), സിഇഒ എന്നീ തസ്തികകളിലേക്കാണ് അവസരം. യോഗ്യരായ ഉദ്യോഗാര്‍ത്ഥികള്‍ക്ക് യുഎഇയില്‍ 2000 ദിര്‍ഹം (ഏതാണ്ട് 45,000 രൂപ) മുതല്‍ 13,000 ദിര്‍ഹം (ഏതാണ്ട് 2.93 ലക്ഷം രൂപ) വരെയും ഇന്ത്യയില്‍ 50,000 മുതല്‍ മൂന്ന് ലക്ഷം രൂപ വരെയും ശമ്പളവും അതോടൊപ്പം ഇന്‍സെന്റീവും ലഭിക്കും.
റാഫിള്‍ ഡ്രോ, എഫ്എംസിജി, ഐടി മേഖലകളില്‍ മുന്‍പരിചയമുള്ളവര്‍ക്ക് മുന്‍ഗണന. തുടക്കക്കാര്‍ക്കും അപേക്ഷിക്കാം. താല്‍പര്യമുള്ള ഉദ്യോഗാര്‍ത്ഥികള്‍ ബയോഡാറ്റ +971 507 163 754 എന്ന നമ്പറിലേക്ക് വാട്സ്ആപ്പ് ചെയ്യുകയോ [email protected] എന്ന മെയില്‍ ഐഡിയിലേക്ക് അയക്കുകയോ ചെയ്യുക. കൂടുതല്‍ വിവരങ്ങള്‍ക്ക് http://www.bochewin.ae എന്ന വെബ്സൈറ്റ് സന്ദര്‍ശിക്കാവുന്നതാണ്.
ഗൾഫിലെ പ്രധാന വാർത്തകൾ വാട്സാപ്പിൽ ലഭിക്കുവാൻ താഴെ കൊടുത്ത ലിങ്കിൽ ക്ലിക്ക് ചെയ്ത് പേര് അയക്കുകലിങ്ക് ക്ലിക്ക് ചെയ്യുക , ഫേസ്ബുക്കിൽ ലഭിക്കുവാൻ ഇ ലിങ്ക് ക്ലിക്ക് ചെയ്യുക.
