ഈ​ദു​ൽ ഫി​ത്​​ർ; പൊ​തു​മേ​ഖ​ല​ക്ക്​ അ​വ​ധി പ്രഖ്യാപിച്ച് യുഎഇ

ഏപ്രിൽ 8 മുതൽ 14വരെയാണ് അവധി പ്രഖ്യാപിച്ചിരിക്കുന്നത്.

പതിവ് പ്രവൃത്തി സമയം ഏപ്രിൽ 15 തിങ്കളാഴ്ച പുനരാരംഭിക്കും.

ശനിയും ഞായറും യുഎഇയിലെ ഔദ്യോഗിക വാരാന്ത്യ ദിനങ്ങളാണ്

യുഎഇ: ഈദുൽ ഫിത്ർ അവധി പ്രഖ്യാപിച്ച് യുഎഇ. പൊതുമേഖലയിലെ അവധിയാണ് പ്രഖ്യാപിച്ചിരിക്കുന്നത്. പ്രവാസികൾക്ക് ഒരുപാട് ആശ്വാസം കിട്ടുന്ന തരത്തിലുള്ള ഇത്തവണത്തെ അവധി പ്രഖ്യാപനം ആഉണ്ടായിരിക്കുന്നത്. സർക്കാർ ജീവനക്കാർക്ക് ഒരാഴ്ച അവധിയാണ് പ്രഖ്യാപിച്ചിരിക്കുന്നത്. ഏപ്രിൽ 8 മുതൽ 14വരെയാണ് അവധി പ്രഖ്യാപിച്ചിരിക്കുന്നത്. യുഎഇ മന്ത്രിസഭയാണ് ഇക്കാര്യം അറിയിച്ചത്. ഏപ്രിൽ 9 ചൊവ്വാഴ്ചയോ 10 ബുധനാഴ്ചയോ ആണ് രാജ്യത്ത് ഈദുൽ ഫിത്ർ പ്രതീക്ഷിക്കുന്നത്. പതിവ് പ്രവൃത്തി സമയം ഏപ്രിൽ 15 തിങ്കളാഴ്ച പുനരാരംഭിക്കും.

ശനിയും ഞായറും യുഎഇയിലെ ഔദ്യോഗിക വാരാന്ത്യ ദിനങ്ങളാണ്. അതിനാൽ എല്ലാം കൂടി വരുമ്പോൾ ഫെഡറൽ ഗവൺമെൻ്റ് ജീവനക്കാർക്ക് ഒമ്പത് ദിവസത്തെ അവധി ലഭിക്കും. ഒരു മാസം നീണ്ടുനിൽക്കുന്ന വ്രതാനുഷ്ഠാനം അവസാനിക്കുകയാണ്. ചന്ദ്രന്റെ ദർശനം വരുന്നതിന്റെ പശ്ചാത്തലത്തിലാണ് പെരുന്നാൾ വരുന്നത്. അതിന് മുന്നെ തന്നെ അവധി ഔദ്യോഗികമായി ഏപ്രിൽ 8 ന് ആരംഭിക്കും. ഇസ്ലാമിക കലണ്ടർ പ്രകാരം, ചന്ദ്രനെ കാണുന്നത് അനുസരിച്ച് റമദാൻ 29 അല്ലെങ്കിൽ 30 ദിവസം നീണ്ടുനിൽക്കും. റമദാനിന് ശേഷമുള്ള ശവ്വാൽ മാസമാണ് ഈദ് അൽ ഫിത്തർ ആഘോഷിക്കുന്നത്.വിശുദ്ധ റമദാൻ മാസം അവസാനത്തേക്ക് അടുക്കുകയാണ്. ഈ വർഷത്തെ ഏറ്റവും ദൈർഘ്യമേറിയ പൊതു അവധി ആഘോഷിക്കാൻ ആണ് യുഎഇ തയ്യാറെടുക്കുന്നത്. രാജ്യത്ത് ഈ വർഷം ലഭിക്കുന്ന ഏറ്റവും ദൈർഘ്യമേറിയ അവധിയായിരിക്കുമിത്.