• Home
  • News
  • എല്ലാവരും കുറ്റം മാത്രം കണ്ടുപിടിക്കുന്നു; ഷെയിൻ നിഗം
shane nigam issue

എല്ലാവരും കുറ്റം മാത്രം കണ്ടുപിടിക്കുന്നു; ഷെയിൻ നിഗം

പ്രശ്നങ്ങൾ വെയില്‍ സിനിമയുടെ തുടക്കം മുതലേ ഉണ്ടായിരുന്നെന്ന് വെളിപ്പെടുത്തി നടന്‍ ഷെയ്ന്‍ നിഗം. മൂന്നാമത്തെ തവണ പ്രശ്നമുണ്ടായപ്പോഴാണ് പ്രതികരിച്ചത്. മാനേജറെ വിളിച്ച് കുടുംബത്തെപ്പോലും മോശമായി പറഞ്ഞപ്പോഴാണ് ലൈവില്‍ വന്നത്. ജോബി ജോര്‍ജുമായുള്ള തര്‍ക്കം പ്രൊഡ്യൂസേഴ്സ് അസോസിയേഷന്റെയും അമ്മയുടെയും നേതൃത്വത്തില്‍ പരിഹരിച്ച ശേഷം മാധ്യമങ്ങളോട് സംസാരിക്കുകയായിരുന്നു ഷെയ്ന്‍.

ചര്‍ച്ചയില്‍ തൃപ്തനാണെന്ന് പറഞ്ഞാണ് ഷെയ്ന്‍ തുടങ്ങിയത്. ''സമാധാനപരമായാണ് ചർച്ച അവസാനിച്ചത്. ഞാൻ പോലും ഇത് പ്രതീക്ഷിച്ചില്ല. ഇനി ഒന്നിനും പോകണ്ട, എല്ലാം ഇവിടെ വച്ച് തീര്‍ക്കാം എന്ന് ചര്‍ച്ചയില്‍ എല്ലാവരും പറഞ്ഞു. ഞാനല്ലല്ലോ ഒന്നിനും പോയത്? ഒരാള്‍ക്കും ബുദ്ധിമുട്ടില്ലാതെ മര്യാദയ്ക്ക് പൊയിക്കൊണ്ടിരുന്നതല്ലേ ഞാന്‍'- ഷെയ്ന്‍ ചോദിക്കുന്നു.അത്ര വൈകാരികമായാണ് ഓരോ സിനിമയും ചെയ്യുന്നത്. എന്റെ സിനിമകളിലൂടെ ജീവിതത്തിലെ സന്ദേശം ജനങ്ങൾക്കു നല്‍കാൻ ആഗ്രഹിക്കുന്ന ആളാണ് ഞാൻ. 25 ദിവസം പ്ലാന്‍ ചെയ്തിട്ട് 16 ദിവസം കൊണ്ടാണ് ഞാന്‍ ജോബിച്ചേട്ടന്റെ ഷെഡ്യൂള്‍ തീര്‍ത്തുകൊടുത്തത്. നല്ല വശങ്ങള്‍ ആരും പറയില്ല. കുറ്റം മാത്രമേ എല്ലാവരും കണ്ടുപിടിക്കൂ.’– കരഞ്ഞുകൊണ്ട് ഷെയ്ന്‍ പറഞ്ഞു.