ദേശീയ ദിനാഘോഷം : രാഷ്​ട്രത്തെ അഭിസംബോധന ചെയ്​ത്​ ഹമദ്​ രാജാവ്​

മനാമ: 49ാമത്​ ദേശീയ ദിനത്തിൽ രാജാവ്​ ഹമദ്​ ബിൻ ഈസ ആൽ ഖലീഫ രാഷ്​ട്രത്തെ അഭിസംബോധന ചെയ്​തു. രാഷ്​ട്ര ശിൽപികളുടെ നേട്ടങ്ങളിൽനിന്ന്​ ഉൗർജം സ്വീകരിച്ച്​ ആധുനികതയുടെയും വികസനത്തി​െൻറയും പാതയിൽ സഞ്ചരിക്കാനുള്ള നിശ്​ചയദാർഢ്യം പുതുക്കാനുള്ള അവസരമാണ്​ ഇതെന്ന്​ അദ്ദേഹം പറഞ്ഞു. സഹിഹ്​ണുതാ നിലപാടാണ്​ നമ്മുടെ രാജ്യത്തെ രൂപപ്പെടുത്തിയത്​. രാഷ്​​ട്ര ശിൽപികളുടെ കാണിച്ചുതന്ന വഴിയിൽ നാം മുന്നോട്ട്​ പോകും.
ഇന്നത്തെ ബഹ്റൈ​െൻറ വികസനത്തിന്​ അടിത്തറ പാകിയ ശൈഖ്​ ഇസാ ബിൻ സൽമാൻ ബിൻ ഹമദ്​ ആൽ ഖലീഫയെയും അനുസ്​മരിക്കുന്നു. പ്രിൻസ്​ ഖലീഫ ബിൻ സൽമാൻ ആൽ ഖലീഫയുടെ വിയോഗത്തി​​െൻറ വേദനയിലാണ്​ രാജ്യം. രാജ്യത്തിനും ജനങ്ങൾക്കും വേണ്ടി അദ്ദേഹം ചെയ്​ത സേവനങ്ങൾ എക്കാലവും അനുസ്​മരിക്കപ്പെടും.   
കോവിഡ്​ മഹാമാരിയെ നേരിടുന്നതിന്​ മുൻനിരയിൽ പ്രവർത്തിച്ച ആരോഗ്യ പ്രവർത്തകരെ നന്ദിപൂർവ്വം സ്​മരിക്കുന്നു. കോവിഡിനെ നേരിടുന്നതിന്​ സുരക്ഷിത വാക്​സിൻ നൽകുന്നതിനുള്ള കാമ്പയിൻ ഉടൻ ആരംഭിക്കുമെന്നും അദ്ദേഹം പറഞ്ഞു.