യുഎഇയിൽ ഇന്ന് നേരിയ മഴയ്ക്ക് സാധ്യത

അബുദാബി ∙ യുഎഇയിൽ ഇന്ന് കാലാവസ്ഥ ഭാഗികമായോ പൂർണമായോ മേഘാവൃതം ആയിരിക്കുമെന്ന് പ്രതീക്ഷിക്കുന്നതായി ദേശീയ കാലാവസ്ഥാ കേന്ദ്രം അറിയിച്ചു.കൂടാതെ ചിതറിക്കിടക്കുന്ന പ്രദേശങ്ങളിൽ ഇടത്തരം മേഘങ്ങൾ  തുടരും. നേരിയ മഴയ്ക്കും സാധ്യതയുണ്ട്, പ്രത്യേകിച്ച് പടിഞ്ഞാറ് ദിശയിൽ താപനില കുറയും. നേരിയതോ മിതമായതോ ആയ കാറ്റ് വീശാനും സാധ്യതയുണ്ട്.

അറബിക്കടലും ഒമാൻ കടലും ചില സമയങ്ങളിൽ നേരിയ തോതിലോ മിതമായോ പ്രക്ഷുബ്ധമാകും. രാജ്യത്തിന്റെ ഉൾപ്രദേശങ്ങളിൽ താപനില 15 ഡിഗ്രി സെൽഷ്യസായി കുറയുമെന്നും, ഉയർന്ന താപനില 39 ഡിഗ്രി സെൽഷ്യസിൽ എത്തുമെന്നും പ്രതീക്ഷിക്കുന്നു.