ഏഴ് ടീമുകൾ ചാമ്പ്യൻസ് ലീഗ് അവസാന 16 ൽ കടന്നു
റോം: റയൽ മാഡ്രിഡും, യുവന്‍റസും മാഞ്ചസ്റ്റർ സിറ്റിയുമടക്കം ഏഴ് ടീമുകൾ ചാമ്പ്യൻസ് ലീഗ് അവസാന 16 ൽ കടന്നു. ബയേൺ മ്യൂണിക്ക് ഒന്നിനെതിരെ അഞ്ച് ഗോളുകൾക്ക് ബെൻഫിക്കയെ പരാജയപ്പെടുത്തിയാണ് പ്രീ ക്വാർട്ടറിൽ കടന്നത്.റയലിനോട് പരാജയപ്പെട്ട് ഇറ്റാലിയൻ ടീമായ റോമ പുറത്തായി. മുൻ യൂറോപ്യൻ ചാമ്പ്യൻമാരായ അജാക്സ് എതിരില്ലാത്ത രണ്ടു ഗോളുകൾക്ക് എഇകെ ഏഥൻസിനെ പരാജയപ്പെടുത്തി പ്രീ ക്വാർട്ടറിൽ കടന്നു. മാഞ്ചസ്റ്റർ യുണൈറ്റഡ് എതിരില്ലാത്ത ഒരു ഗോളിന് സ്വിസ് ടീമായ യംഗ് ബോയിസിനെ തോൽപ്പിച്ച് അവസാന 16 ൽ കടന്നു.റോമയെ എതിരില്ലാത്ത രണ്ടു ഗോളുകൾക്കാണ് റയൽ പരാജയപ്പെടുത്തിയത്. ഗോൾ രഹിതമായ ആദ്യ പകുതിക്കു ശേഷം രണ്ടാം പകുതിയുടെ തുടക്കത്തിൽ നേടിയ ഇരട്ട ഗോളിലാണ് റോമയെ റയൽ മറികടന്നത്. ഗരെത് ബെയ്‌ലും വാസ്ഗസുമാണ് റയലിനായി ഗോൾ നേടിയത്.
