ഏഷ്യൻ കപ്പ്; യു.എ.ഇ ക്വാർട്ടറിൽ
അബൂദബി: അധിക സമയത്തേക്ക് നീണ്ട മത്സരത്തിൽ കിർഗിസ്താനെ രണ്ടിനെതിരെ മൂന്ന് ഗോളുകൾക്ക് തോൽപിച്ച് ആതിഥേയരായ യു.എ.ഇ ഏഷ്യൻ കപ്പ് ഫുട്ബാളിെൻറ ക്വാർട്ടറിൽ. ഖമീസ് ഇസ്മാഇൗൽ, അലി അഹ്മദ് മബ്ഖൂത്, അഹ്മദ് ഖലീലി എന്നിവർ നേടിയ ഗോളുകളിലാണ് യു.എ.ഇയുടെ വിജയം. മിർലാൻ മുർസയേവും ടുർസുനാലി റുസ്തമോവുമാണ് കിർഗിസ്താന് വേണ്ടി ഗോളുകൾ കണ്ടെത്തിയത്. ജനുവരി 25ന് ആസ്ട്രേലിയക്ക് എതിരെയാണ് യു.എ.ഇയുടെ ക്വാർട്ടർ മത്സരം.കളിയുടെ ഒമ്പതാം മിനിറ്റിലാണ് കൃത്യമായ ഗോൾശ്രമമുണ്ടായത്. യു.എ.ഇയുടെ ഇസ്മാഇൗൽ അഹ്മദ് എതിർ ടീമിെൻറ ബോക്സിന് മധ്യത്തിൽനിന്ന് തൊടുത്ത ഹെഡർ പക്ഷേ ബാറിന് മീതേ കടന്നുപോയി. 14ാം മിനിറ്റിൽ ഖലീഫ എം. ഗാനിമിെൻറ ഹെഡറും മിസ്സായി. 14ാം മിനിറ്റിൽ കോർണറിനെ തുടർന്ന് യു.എ.ഇ ലീഡ് നേടി. ഖലീഫ എം. ഗാനിമിെൻറ അസിസ്റ്റിൽ ഖമീസ് ഇസ്മാഇൗൽ പോസ്റ്റിന് തൊട്ടടുത്ത് നിന്നെടുത്ത ഹെഡർ കിർഗിസ്താൻ പോസ്റ്റിെൻറ ഇടതുമൂലയിലൂടെ വലയിലേക്ക് കയറുകയായിരുന്നു (1-0).
